मुंबई : कोकणात जोरदार पाऊस सुरू आहे. आता मुंबई हवामान विभागाने महाराष्ट्रातील उत्तर महाराष्ट्रातील काही जिल्ह्यांसह इतर जिल्ह्यांना मुसळधार पावसाचा इशारा दिला आहे. हवामान विभागाने राज्यातील ७ जिल्ह्यांना वादळी वाऱ्यांसह मुसळधार पावसाचा इशारा दिला. मुंबई हवामान विभागाने पुढील ३ ते ४ तासांत वादळी वाऱ्यासह मुसळधार पावसाचा इशारा दिला आहे. जळगाव धुळे, छत्रपती संभाजीनगर, जालना, हिंगोली, सोलापूर आणि अहमदनगर या जिल्ह्यात मुसळधार पावसाची शक्यता असल्याचं हवामान विभागाने म्हटलं आहे.
विजांचा कडकडाट आणि वादळी वाऱ्यासह नाशिक जिल्ह्यातही पाऊस पडणार आहे. नाशिक जिल्ह्यातही पुढील ३ ते ४ तासांत मुसळधार पाऊस पडण्याचा अंदाज हवामान विभागाने वर्तवला आहे. मुंबई हवामान विभागाने उत्तर महाराष्ट्रासह कोकणातील जिल्ह्यांनाही इशारा दिला आहे. रत्नागिरी आणि सिंधुदुर्ग जिल्ह्यात पुढील ३ ते ४ तासांत वादळी वाऱ्यासह मुसळधार पावसाची शक्यता असल्याचं हवामान विभागाने म्हटलं आहे.
