राष्ट्रवादीचे नेते राजेश विटेकर यांच्या आमंत्रणावरून अभिनेत्री प्राजक्ता गायकवाड लगेच आल्या…..
परभणी
विशेष
देशाचे नेते शरद पवार साहेबांच्या वाढदिवसानिमित्त आयोजित खुल्या क्रिकेट स्पर्धेचा अंतिम सामना संपन्न झाला. यावेळी प्रमुख अतिथी म्हणून सिनेअभिनेत्री प्राजक्ता गायकवाड, आ. राजुभैय्या नवघरे व MCA चे सहसचिव संतोषराव बोबडे यांची प्रमुख उपस्थिती होती.
अत्यंत रोमहर्षक झालेल्या या सामन्यात सरकार वॉरियर्स या संघाने विजय मिळवून प्रथम क्रमांकाचे ८५ हजार ५५५ रुपायांचे बक्षीस पटकावले, तर द्वितीय क्रमांकाचे ५५ हजार ५५५ रुपयांचे बक्षीस मंथन मिलन या संघाने पटकावले असून, तृतीय ३५ हजार ५५५ रुपयांचे बक्षीस धूम बालाजी, परभणी या संघाने पटकावले आहे.
तालुक्यातील जनतेकडून एक अभिनेत्री म्हणून ज्या पध्दतीने स्वागत केले गेले त्या स्वागताने आपण भारावून गेले असून सोनपेठकरांचे हे प्रेम न विसरण्यासारखे असल्याची भावना सिनेअभिनेत्री प्राजक्ता गायकवाड यांनी व्यक्त केली.
हजारो क्रिकेटप्रेमी चाहत्यांनी एक महिना चाललेल्या या स्पर्धेला अभूतपूर्व प्रतिसाद दिला. कालच्या शेवटच्या दिवशी तर आजवरचा रेकॉर्ड तोडला असेच म्हणावे लागेल. .
