विष्णूचे १० अवतार खऱ्या आयुष्यात कसे दिसत असतील?

Team Aaj Parbhani June 17, 2023

10 1 minute read

AI तंत्रज्ञानाच्या मदतीने हल्ली काहीही करता येतं. यापूर्वी ज्या गोष्टींची आपण केवळ कल्पना करत होतो, त्या गोष्टी आता AI च्या मदतीनं वास्तवात येऊ लागल्या आहेत. मग इतिहासातील मोठमोठे राजे असो वा भविष्यात येणारं अज्ञात तंत्रज्ञान असो अशा सर्व गोष्टींना मूर्त रूप देण्याचं काम AI च्या मदतीनं आता फारच सोपं झालंय. याच पार्श्वभूमीवर विष्णूचे दशावतार सध्या सोशल मीडियावर चर्चेत आहेत. आजपर्यंत आपण या सर्व अवतारांबद्दल पौराणिक ग्रंथांमध्ये वाचलं आहे. मात्र खऱ्या आयुष्यात ते कसे दिसत असतील? हा प्रश्न आपल्या पैकी अनेकांना पडला असेल. याच प्रश्नाचं उत्तर शोधताना AI च्या मदतीनं या दशावतारांची कल्पना करण्यात आली आहे. हे फोटो पाहून खरंच तुम्ही सुद्धा अवाक् व्हाल. (फोटो सौजन्य – @mvdhav/Twitter)

विष्णूचे १० अवतार कोणते आहेत?

हिंदू धर्म ग्रंथांनुसार विष्णू देवाला सृष्टीचा पालनकर्ता म्हटलं गेल आहे. म्हणजे जेव्हा कधी या सृष्टीवर खूप मोठं संकट येतं तेव्हा विष्णू अवतार घेऊन त्या संकटाला दूर करतो. हिंदू धर्मग्रंथ भागवतपुराणानुसार सतयुग ते कलीयुगापर्यंत विष्णूने एकूण २४ अवतार घेतले आहेत. त्यापैकी १० अवतार हे प्रमुख मानले जातात. त्यांना आपण ‘दशावतार’ म्हणून ओळखतो. विष्णूचे हे अवतार त्याकाळी खऱ्या आयुष्यात कसे दिसत असतील? ही कल्पना करून AI च्या मदतीने या फोटोंची निर्मिती करण्यात आली आहे. (फोटो सौजन्य – @mvdhav/Twitter)