उभ्या ट्रकला बसची धडक, दोन जखमी

परभणी : परभणी ते परळी महामार्गावर परभणी पासून जवळच असलेल्या ब्राह्मणगाव येथे सोमवार, दि.२२ मे रोजी रात्री उभ्या ट्रकला बसने पाठीमागून धडक दिल्याची घटना घडली. या घटनेत बसमधील ०२ प्रवाशी जखमी झाले आहेत. जखमी झालेले प्रवाशी जिल्हा सामान्य रूग्णालयात उपचार घेत असल्याचे समजते.

परभणी शहराजवळ असलेल्या ब्राह्मणगाव येथे सोमवार रात्री विटाने भरलेला ट्रक क्रमांक एम.एच.४४ क्यु २७४७ रस्त्यावर उभा होता. या उभ्या ट्रकला बसने धडक दिली. या अपघातात बस क्रमांक एक़एच.२० बी.एल.२९२७ मधील २ प्रवाशी जखमी झाले आहेत. या जखमी प्रवाशांना उपचारासाठी परभणी जिल्हा सामान्य रुग्णालयात दाखल करण्यात आले आहे. या दुर्घटनेत कोणतीही जीवित हानी झाली नसल्याची माहिती परभणी बस आगार प्रमुख यांनी दिली आहे.