परभणी : राज्यात मुलींच्या सक्षमीकरणासाठी लेक लाडकी योजना राबवून गरीब कुटुंबातील मुलींना लखपती करण्याचा निर्णय घेण्यात आला आहे. या निर्णयाचे शहरात शिवसेना महिला पदाधिका-यांनी पेढे वाटून स्वागत केले.
लेक लाडकी योजनेंतर्गत पिवळ्या व केशरी रेशन कार्डधारक कुटुंबात मुलीचा जन्म झाल्यावर ५ हजार रुपये, इयत्ता पहिलीत गेल्यावर ६ हजार, सहावीत गेल्यावर ७ हजार, अकरावी गेल्यास ८ हजार व १८ वर्षे पूर्ण झाल्यावर ७५००० अशा पद्धतीने एकूण त्या मुलीस १ लाख १ हजार रुपये एवढा लाभ मिळणार आहे. या योजनेचे बुधवार, दि.११ रोजी शहरात शिवसेना महिला पदाधिका-यांनी पेढे वाटून स्वागत केले आहे.
यावेळी शिवसेना महिला जिल्हाप्रमुख गीता सूर्यवंशी, जिल्हा संघटक शीला शेटे, उपजिल्हाप्रमुख सुशीला चव्हाण, विधानसभा प्रमुख अ‍ॅड. प्रतिमा भोरीकर, शहर संघटक मालन धोत्रे, तालुकाप्रमुख स्वाती मोरे, उपशहर प्रमुख प्रतिभा किरडे, कल्पना दळवी, सिंधू चौधरी, लता शहाणे, सुमन बाबर, पुष्पा बारबंडे, सुनीता धोंडे, मंगल डोईफोडे, सुनीता टेंगसे आदींची उपस्थिती होती.
