‘वंदे भारत’ चा नांदेड विस्तार ऊद्यापासून !

नांदेड / परभणी :

बहुप्रतिक्षित “वंदे भारत’ एक्स्प्रेस ऊद्यापासून  नांदेड स्धानकावरून धवणार आहे. राज्याचे मुख्यमंत्री देवेंद्र फडणवीस हजूर साहिब नांदेड – सीएसएमटी मुंबई वंदे भारत एक्सप्रेसला मुंबईत हिरवा झेंडा दाखवतील.

अत्याधुनिक सुविधांसह स्वदेशी बनावटीची वंदे भारत एक्सप्रेसचा ट्रेन सेट रेल्वे वापरकर्त्यांना जलद, आरामदायी आणि सोयीस्कर प्रवास अनुभव देईल आणि “आत्मनिर्भर भारत” या दिशेने भारतीय रेल्वेच्या दृष्टिकोनातील आणखी एक महत्त्वाचे पाऊल असेल. ही ट्रेन मराठवाडा प्रदेशातील नांदेडला राज्याची राजधानी म्हणजेच मुंबईशी जोडेल आणि दोन्ही प्रदेशांमधील संबंध मजबूत करेल. ही ट्रेन मराठवाडा प्रदेशाला केवळ राज्याची राजधानी म्हणजेच मुंबईशीच नव्हे तर छत्रपती संभाजी नगर, मनमाड, नाशिक, कल्याण, ठाणे आणि दादर यासारख्या राज्यातील इतर महत्त्वाच्या शहरांशी देखील जोडेल.

ही गाडी नांदेड ते मुंबई दरम्यानचे ६१० किमी अंतर ९ तास २५ मिनिटांत पूर्ण करेल. यात २० डबे (एक्झिक्युटिव्ह – ०२, चेअर कार – १८) असतील आणि एकूण १४४० आसन क्षमता असेल. ही गाडी नांदेड, परभणी, जालना, छत्रपती संभाजी नगर (औरंगाबाद) आणि इतर शहरांमधून दिवसा प्रवास करून मुंबई येथे दुपारी पोहोचण्याकरिता आणि मुंबई वरून संध्याकाळी/रात्री परत येण्यासाठी सोयीस्कर वेळापत्रक प्रदान करते. ही गाडी आठवड्यातून ६ दिवस (बुधवार वगळता नांदेडहून आणि गुरुवार वगळता मुंबईहून) धावते.

वंदे भारत ट्रेनमुळे या शहरांना जलद रेल्वे कनेक्टिव्हिटी मिळणार नाही तर या प्रदेशातील तीर्थयात्रेच्या पर्यटनाला चालना मिळेल. नांदेड येथील विश्व प्रसिध्द सचखंड साहिब गुरुद्वारा, जालन्यातील राजूर गणपती मंदिर, तसेच छत्रपती संभाजी नगरजवळील भगवान शिवाचे घृणेश्वर ज्योतिर्लिंग मंदिर, अजिंठा आणि वेरूळ लेणी आणि मनमाडजवळील शिर्डी ही महत्त्वाची तीर्थस्थळे सेमी-हाय स्पीड रेल्वे कनेक्टिव्हिटीने जोडली जातील ज्यामुळे यात्रेकरूंना अधिक आराम आणि सुविधा मिळेल.

वंदे भारत एक्सप्रेसमध्ये अत्याधुनिक प्रवाशांसाठी सुविधा आहेत जसे की ऑन-बोर्ड वाय-फाय इन्फोटेनमेंट, जीपीएस आधारित प्रवासी माहिती प्रणाली, आलिशान इंटीरियर, स्पर्शमुक्त सुविधांसह बायो व्हॅक्यूम टॉयलेट, डिफ्यूज्ड एलईडी लाइटिंग, प्रत्येक सीटखाली चार्जिंग पॉइंट्स, वैयक्तिक स्पर्श आधारित वाचन दिवे आणि लपविलेले रोलर ब्लाइंड्स, चांगले उष्णता वायुवीजन आणि जंतूमुक्त हवेच्या पुरवठ्यासाठी यूव्ही लॅम्पसह एअर कंडिशनिंग सिस्टम. प्रत्येक कोचमध्ये इन्फोटेनमेंट सिस्टम आणि कवच तंत्रज्ञानासह सुरक्षा वैशिष्ट्ये ही एक अतिरिक्त वैशिष्ट्य आहे.

स्थानक वेळापत्रक
हुजूर साहिब नांदेड 11.20 प्रस्थान
परभणी 12.18/12.20
जालना 13.58/ 14.00
औरंगाबाद 14.48/14.50
मनमाड 17.33/17.35
नाशिक रोड 18.33/18.35
कल्याण 20.43/20.45
ठाणे 21.03/21.05
दादर 21.25/21.27
छत्रपती शिवाजी महाराज टर्मिनस मुंबई 21.55 आगमन

नांदेड – मुंबई सीएसएमटी – एच.एस. नांदेड वंदे भारत एक्सप्रेसच्या नियमित सेवा

गाडी क्रमांक 20705
नांदेड – मुंबई सीएसएमटी (बुधवार) स्थानके गाडी क्रमांक 20706
मुंबई सीएसएमटी – एच.एस. नांदेड (गुरुवार वगळून)
05.00 प्रस्थान हुजूर साहिब नांदेड 22.50 आगमन
05.40/05.42 परभणी 21.33/21.35
07.20/07.22 जालना 19.43/19.45
08.13/08.15 औरंगाबाद 18.48/18.50
09.58/10.03 मनमाड 17.18/17.20
11.00/11.02 नाशिक रोड 16.18/16.20
13.20/13.22 कल्याण 14.04/14.06
13.40/13.42 ठाणे 13.40/13.42
14.08/14.10 दादर 13.17/13.19
14.25 Arrival छत्रपती शिवाजी महाराज टर्मिनस मुंबई 13.10 Departure