मुंबई : दहावी-बारावीच्या फेक मार्कशीटचा बाजारही आता सुरु झाला आहे. याचं एक रॅकेट मुंबई पोलिसांनी उद्ध्वस्त केलं असून चार जणांना अटक केली आहे. कोर्टानं या आरोपींना १८ एप्रिलपर्यंत पोलीस कोठडी सुनावली आहे.
पोलिसांच्या माहितीनुसार, मुंबई गुन्हे शाखेच्या युनिट ६ कडून दहावी-बारावीची बनावट मार्कशीट विकणारी टोळी उद्ध्वस्त करण्यात आली आहे. चेंबूर भागात ही कारवाई करण्यात आली असून या टोळीतील चार जणांना अटक करण्यात आली आहे. या टोळीकडून एक मार्कशीट ४००० रुपयांना विकली जात होती.
सलमान खान, मोहम्मद नदीम शेख, मोहम्मद मुर्तुजा, दानी खान या चार जणांना पोलिसांनी अटक केली असून त्यांना बुधवारी कोर्टात हजर करण्यात आलं. कोर्टात सुनावणी पार पडल्यानंतर कोर्टानं या चौघांनाही १८ एप्रिलपर्यंत पोलीस कोठडी सुनावण्यात आली आहे.
Advertisements
Advertisements
दरम्यान, चौकशीदरम्यान महत्वाचे धागेदोरे हाती लागण्याची शक्यता आहे. या टोळीकडून किती लोकांनी अशा प्रकारचे बनवाट प्रमाणपत्र बनवून फसवणूक करण्याचा प्रयत्न केला आहे, हे देखील लवकरच समोर येईल.
Advertisements
Advertisements
Follow Us