बीड: माजलगाव तालुक्यातील टाकरवन येथील महादेव शिवाजी सातपुते याची भारतीय सैन्य दलात निवड झाली आहे. गरीब कुटुंबातील महादेव याने हे यस संपादन केल्याने कुटुंबासाठी तसेच गावकऱ्यांसाठी ही मोठी अभिमानाची बाब ठरली आहे. या निवडीनंतर महादेव याचे टाकरवन सह पूर्ण जिल्हाभरातुन त्याला शुभेच्छा दिल्या जात आहेत
आई-वडिलांचे अथक परिश्रम आणि वडिलोपार्जित मेंढपाळाचा व्यवसाय सोडून काहीतरी वेगळं करण्याची इच्छा असलेल्या महादेव यांनी भरतीची तयारी सुरू केली. सकाळी चार वाजल्यापासून महादेव धावण्याची प्रॅक्टिक्स करायचा. काही दिवसांनी सैन्य दलातील परीक्षांचा फॉर्म भरून त्यांनी परीक्षा दिली आणि त्यात त्याची निवड देखील झाली.
या निवडीनंतर अत्यंत गरीब कुटुंबातला, मेंढपाळ हा वडिलोपार्जित व्यवसाय असलेल्या कुटुंबातला मुलगा आता सैन्य दलात भरती झाल्याने देश सेवेसाठी जाणार असल्याने गावकऱ्यांसह जिल्हाभरात त्याच्यावर शुभेच्छांचा वर्षाव होत आहे या आनंदात गावकऱ्यांनी एकत्र येत महादेवच्या या यशाबाबत गावात चक्क एक मोठी मिरवणूक काढली. ही मिरवणूक देखील साधीसुधी नसून या मिरवणुकीत चक्क डीजे लावण्यात आला होता.