खेड : रविवार ( 19 मार्च ) मुख्यमंत्री एकनाथ शिंदे यांची खेड येथील गोळीबार मैदान येथे जाहीर सभा होत आहे. त्या सभेचे जोरदार तयारी सुरू असल्याचे सांगत रामदास कदम यांनी उद्धव ठाकरे यांच्यावर जोरदार हल्लाबोल केला आहे. रामदास कदम यांनी खेड येथे होणारी सभा ऐतिहासिक सभा होईल. आम्ही फक्त मतदार संघातील लोकांना बोलवणार आहे. अफझल खान कसा सगळं सैन्य घेऊन महाराष्ट्रावर चालून आला होता तसं संपूर्ण महाराष्ट्रातील लोकांना उद्धव ठाकरे घेऊन आले होते. मातोश्रीवर जोरदार बैठका घेतल्या जात होत्या. प्रत्येकाला विचारलं जात होतं तू किती माणसं आणणार? त्यामुळे आमच्या सभेला त्यांच्यापेक्षा जास्त गर्दी राहील असा दावा कदम यांनी केला आहे.
उद्धव ठाकरे यांनी आम्हाला संपविण्यासाठी जोरदार प्रयत्न केले. मला गुहागर येथे उद्धव ठाकरे यांनीच पाडले. मी तिथे गाफील राहिलो असे रामदास कदम यांनी सांगत भास्कर जाधव यांच्याविरोधात दंड थोपटले आहे. योगेश कदमला पाडण्यासाठी जोरदार प्रयत्न केले पण आम्ही पुरून उरलो.
