पालम : तालुक्यातील तांदुळवाडी येथील गंगाधर रामराव साबने यांची मुंबई पोलिस भरतीमध्ये निवड झाली आहे. त्यांचा पालम येथे शुक्रवार, दि.११ रोजी सत्कार करण्यात आला. अथक परिश्रम, जिद्द, चिकाटी आणि समर्पण त्यांच्या यशाचे गमक ठरले. सत्कार प्रसंगी शिवसेना शिंदे गटाचे युवा नेते शांतीस्वरूप जाधव, ग्रामविकास अधिकारी राजकुमार हिंगे, भूविकास बँकेचे वसुली अधिकारी नारायण ताल्डे, सरपंच बी.बी. लांडे, तांदुळवाडीचे सरपंच साधू हाके, उपसरपंच विजय साबने, ग्रा.पं. सदस्य मिथाजी नरवड, वैभव साबने, रंगनाथ वाघमारे, ऋषिकेश वाघमारे, सचिन माने, दत्ता धुळगुंडे, रघुनाथ साबने, आनंद साबने आदी उपस्थित होते.
साबने यांनी कोणत्याही प्रशिक्षणाविना यश संपादन केले. त्यांची आर्थिक परिस्थीती बेताची आहे. त्यांच्या कुटुंबाची उपजिवीका मजुरीवर चालते. त्यांनी परिस्थीतीची जाणीव ठेवली. शिवाय मुलगा पोलिसांत भरती व्हावा, ही आई आणि वडिलांची तीव्र ईच्छा होती. त्यांच्या स्वप्न साकार होण्यासाठी गंगाधर यांनी अविरत परिश्रम घेतले. म्हणून कष्टाचे चिज झाल्याने आई-वडिलांचा आनंद गगणात मावेनासा झाला आहे.
