परभणी : परभणी जिल्हा ब्राहमण महासंघाच्या वतीने १०वी, १२वी परीक्षेतील गुणवंत विद्यार्थ्यांचा गौरव सोहळा राजाराम सभागृहात रविवार, दि.०९ रोजी मोठ्या उत्साहात संपन्न झाला. या सोहळ्यात १०१ गुणवंत विद्यार्थ्यांचा मान्यवरांच्या हस्ते गौरव करण्यात आला.
कार्यक्रमाची सुरुवात दीपप्रज्वलन व भगवान परशुराम यांचे प्रतिमा पूजन करून करण्यात आली. यावेळी ब्राह्मण महासंघाचे संस्थापक आनंद दवे, सुजितकुमार जोशी, मनोज तारे, मंदार कुलकर्णी, डॉ.राहुल आंबेगावकर, वे.शा.सं.प्रमोद शास्त्री कुलकर्णी, महेश पाटील, सीए अनुप शुक्ल, पांडुरंग अंभुरे, योगेश तिवारी, स्वप्नील पिंगळकर, शीला शेटे, श्रीमती शोभा कुलकर्णी, पौर्णिमा लोकरे आदि उपस्थित होते.
यावेळी मनोज तारे यांनी ब्राह्मण महासंघ समाजाच्या प्रत्येक घटकांच्या सोबत आहे. संघटित राहून एकता वाढवावी असे आवाहन केले. प्रमोद शास्त्री कुलकर्णी म्हणाले की, ब्राह्मण विद्यार्थ्यांनी चारित्र्य संपन्न राहण्याकडे लक्ष द्यावे. मुलांनी संध्या व रोज किमान ११ वेळा तरी गायत्री उपासना जरूर केली पाहिजे. कमीत कमी १२ तास अभ्यास करण्या करिता प्रयत्न करावा असे आवाहन केले. यावेळी उपस्थित अन्य मान्यवरांनी उपस्थित विद्यार्थ्यांना मार्गदर्शन केले.
प्रास्ताविक ब्राहमण महासंघाचे जिल्हाध्यक्ष मंदार कुलकर्णी यांनी केले. सुत्रसंचालन पौर्णिमा लोकरे यांनी तर आभार प्रदर्शन शरयू आंबेकर यांनी केले. हा कार्यक्रम यशस्वी करण्या करिता सचिन दैठणकर, योगेश तिवारी, स्वप्नील पिंगळकर, संजय चौधरी, संतोष पाठक, वेंकटेश शर्मा, मकरंद कुलकर्णी, शरयू आंबेकर, शिळा शेटे, सुहास कोठेकर, दीपक कासंडे, अमोल देशपांडे, दुर्गादास दामोशन, योगेश तिवारी, माणिक चौधरी, कौशिक देशपांडे, संजय शर्मा आदींनी परिश्रम घेतले.
