माजी मुख्यमंत्री अशोक चव्हाण यांनी आमदारकीचा राजीनामा दिला आहे. पक्ष सदस्यत्वाच्या राजीनाम्याच्या कॉपीमध्ये विधानसभा सदस्याचा पुढे माजी हा शब्द लिहण्यात आलेला आहे. या वरून त्यांनी पक्ष सदस्यत्वाचा आणि आमदारकीचा राजीनामा झाल्याचे स्पष्ट झाले आहे. हा राजीनामा त्यांना काँग्रसे अध्यक्ष नाना पटोले यांच्याकडे दिला आहे. आता अशोक चव्हणांची पुढील राजकीय दिशा काय असणार यकडे सर्वांचे लक्ष लगले आहे.
अशोक चव्हाण यांनी माजी विधानसभा सदस्य असा उल्लेख केला आहे. त्यामुळे त्यांनी आमदरकीचा ही राजीनामा दिला आहे. अशोक चव्हाण यांनी नार्वेकरांची भेट घेतल्याचीही माहिती आहे. 14 फेब्रुवारी रोजी अशोक चव्हाण भाजपमध्ये प्रवेश करण्याची शक्यता आहे. अशोच चव्हाण यांच्यासोबत काही आमदार देखील जाण्याची शक्यता आहे.
अशोक चव्हाणांसोबत कोण कोण काँग्रेस सोडणार?
अशोक चव्हाण यांच्यासोबत काँग्रेसचे आणखी बडे नेते राजीनामा देण्याची चर्चा आहे. यामध्ये माजी मंत्री नसीम खान आणि चंद्रकांत हंडोरे यांची नावं आहेत.
अशोक चव्हाण यांच्या जवळचे मानले जाणारे नागपूरचे दोन काँग्रेस आमदार आहेत. यामध्ये राजू पारवे आणि विकास ठाकरे यांचा समावेश आहे. मात्र मला अशा घडामोडीची कुठलीही माहिती नाही मी मतदारसंघात अवकाळी पावसामुळे झालेल्या नुकसानीचा आढावा घेत दौरा करत आहे, अशी प्रतिक्रिया राजू पारवे यांनी दिली.
विकास ठाकरे म्हणाले, अशोक चव्हाणांनी राजीनामा दिल्याची माहिती मी पण टीव्हीवरूनच ऐकले आहे. राजीनामा दिल्याची माझ्याकडे कुठलीही माहिती नाही मी काँग्रेस पक्षामध्येच आहे, असं विकास ठाकरे म्हणाले.
अशोक चव्हाण यांचे समर्थक आमदार
- नसीम खान, माजी आमदार, चांदिवली
- चंद्रकांत हंडोरे, माजी आमदार, चेंबूर
- राजू पारवे, आमदार, उमरेड
- विकास ठाकरे, आमदार, पश्चिम नागपूर
- मोहन हंबर्डे,नांदेड दक्षिण
- जितेश अंतापूरकर, देगलूर (नांदेड)
- सुभाष धोटे, राजुरा, चंद्रपूर
- अमित झनक, रिसोड, वाशिम
राजीनाम्यात नेमकं काय म्हटलय?
मी 12 फेब्रुवारी 2024 मध्यान्हनंतर पासून माझ्या इंडियन नॅशनल काँग्रेस पक्षाच्या प्राथमिक सदस्यत्वाचा राजीनामा सादर करत आहे.
आपला विश्वासू,
अशोकराव शंकरराव चव्हाण
